റിയാദ്: നാട്ടില് വരാനിരുന്ന പ്രവാസി യുവാവ് സൗദിയില് ജീവനൊടുക്കിയ നിലയില്. എറണാകുളം കോതമംഗലം സ്വദേശി കരമൊലാല് വീട്ടില് അബ്ദുല്ല സലീമിനെയാണ് മരിച്ചനിലയില് കണ്ടെത്തിയത്. വെള്ളിയാഴ്ച നാട്ടില് വരാനിരിക്കുകയായിരുന്നു യുവാവ്. ദമ്മാമിന് സമീപം ഖത്വീഫിലെ താമസ സ്ഥലത്താണ് യുവാവിനെ ജീവനൊടുക്കിയ നിലയില് കണ്ടെത്തിയത്. കൈയിലെ ഞെരമ്പു മുറിച്ചു രക്തം വാര്ന്ന നിലയില് കണ്ടെത്തുകയായിരുന്നു.
പുതിയ വിസയില് മൂന്ന് മാസം മുന്പാണ് യുവാവ് ഖത്വീഫില് എത്തിയത്. ജോലിക്കു പോകാന് വിമുഖത കാണിച്ചിരുന്ന യുവാവ് മാനസിക അസ്വാസ്ഥ്യം പ്രകടിപ്പിച്ചിരുന്നതായി സുഹൃത്തുക്കള് പറയുന്നു. വെള്ളിയാഴ്ച വൈകിട്ട് നാട്ടിലേക്ക് മടങ്ങുന്നതിനു വേണ്ടി ടിക്കറ്റ് എടുത്തിരുന്നു. ബാത്ത് റൂമില് കയറിയ യുവാവ് പുറത്തിറങ്ങാത്തതിനെ തുടര്ന്ന് വാതില് പൊളിച്ചപ്പോഴാണ് കൈയിലെ ഞരമ്പു മുറിച്ച നിലയില് കണ്ടെത്തിയത്. മൃതദേഹം നാട്ടിലെത്തിക്കുന്നതിനുള്ള നടപടിക്രമങ്ങള് പുരോഗമിക്കുകയാണ്.
