പട്ടാമ്പി : നടുറോഡില്‍ കുഴഞ്ഞുവീണ യുവാവ് മരിച്ചു. ഭാര്യയെയും കുഞ്ഞിനേയും തേടിയിറങ്ങിയ പട്ടാമ്പി സ്വദേശി മുസ്തഫയാണ് മരിച്ചത്. മെഡിക്കല്‍ കോളേജില്‍ ചികിത്സയിലിരിക്കെയാണ് മരിച്ചത്. തൊണ്ടയാട് ബൈപ്പാസിന് സമീപമാണ് മുസ്തഫ ചൊവ്വാഴ്ച കുഴഞ്ഞു വീണത്. മനോദൗര്‍ബല്യമുള്ള ഭാര്യയെ കുഞ്ഞിനൊപ്പം കാണാതായപ്പോള്‍ ഇവരെ തേടിയിറങ്ങിയപ്പോള്‍ ആണ് സംഭവം.
മുസ്തഫയെ ആശുപത്രിയിലെത്തിച്ചത് നടി സുരഭി ലക്ഷ്മിയും സുഹൃത്തുക്കളുമാണ്. മുസ്തഫ ആശുപത്രിയിലെത്തിച്ച്‌ അധികം വൈകാതെ തന്നെ മരണപ്പെട്ടിരുന്നു. എന്നാല്‍ നടിയോ പൊലീസോ ഇക്കാര്യം അറഞ്ഞില്ല. മുസ്തഫയ്ക്ക് ദേഹാസ്വാസ്ഥ്യം അനുഭവപ്പെട്ടത് ജീപ്പില്‍ രണ്ട് സുഹൃത്തുകള്‍ക്കൊപ്പം ഭാര്യയേയും കുഞ്ഞിനേയും തേടി നടക്കുന്നതിനിടെയാണ്. എന്നാല്‍ അദ്ദേഹത്തെ ആശുപത്രിയിലേക്ക് എത്തിക്കാന്‍ കൂടെയുണ്ടായിരുന്ന സുഹൃത്തുക്കള്‍ക്ക് ഡ്രൈവിംഗ് അറിയാതിരുന്നതിനാല്‍ ആയില്ല. ഈ സമയം നടി സുരഭി ലക്ഷ്മി ഇതുവഴി വരുകയും ഇവരെ സഹായിക്കുകയും ആയിരുന്നു.
