തിരുവനന്തപുരം : കഴക്കൂട്ടത്ത് നാടന് ബോംബെറിഞ്ഞ് യുവാവിന്റെ
കാല് തകര്ത്ത കേസിലെ പ്രതികളുടെ വീട്ടില് നിന്നും നാടന് ബോംബുകള് കണ്ടെടുത്തു. കേസിലെ നാലാം പ്രതിയായ ലിയോണ് ജോണ്സന്റെയും അഞ്ചാം പ്രതി വിജീഷിന്റെയും വീടുകളില് നിന്നാണ് രണ്ട് നാടന് പടക്കങ്ങള് കണ്ടെടുത്തത്.
ലിയോണ് ജോണ്സന്റെ തുമ്പയിലെ വീട്ടിലും കഴക്കൂട്ടം സ്വദേശിയായ വിജീഷിന്റെ വീട്ടിലുമാണ് പരിശോധന നടത്തിയത്. ഈ കേസിലെ അഞ്ചാം പ്രതി വിജീഷിന്റെ വീടിനു സമീപം കരിയിലകള്ക്കടിയില് സൂക്ഷിച്ചിരുന്ന നാടന് ബോംബാണ് കണ്ടെത്തിയത്. നാലാം പ്രതി ലിയോണ് ജോണ്സന്റെ വീട്ടിനോടു ചേര്ന്ന കുളിമുറിയില് നിന്നാണ് ഒരു ബോംബ് കണ്ടെടുത്തത്. ഈ കേസിലെ പ്രതികളെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് ബാക്കി ബോംബുകള് സൂക്ഷിച്ചിരിക്കുന്നതായി പോലീസ് മനസ്സിലാക്കിയത്.
തുടര്ന്ന് ബോംബ് സ്ക്വാഡിന്റെ നേതൃത്വത്തിലാണ് പരിശോധന നടത്തിയത്. കണ്ടെടുത്ത ബോംബുകള് നിര്വ്വീര്യമാക്കി. ഇക്കഴിഞ്ഞ ഏഴാം തീയതി രാത്രിയാണ് വീടിനു സമീപം സംസാരിച്ചു നിന്ന യുവാക്കള്ക്ക് നേരെ സ്കൂട്ടറിലെത്തിയ മൂന്നംഗ സംഘം ബോംബെറിഞ്ഞത്. ബോംബ് പതിച്ച് കാലില് ഗുരുതര പരുക്കേറ്റ രാജന് ക്ലീറ്റസ് ആശുപത്രിയില് ചികിത്സയിലാണ്.
