പൊള്ളാച്ചി : ക്രെയിനില്‍ കാറിടിച്ച്‌ പതിനേഴുകാരന് ദാരുണാന്ത്യം. പൊള്ളാച്ചി പല്ലടം റോഡ് കേരള സമാജത്തിനടുത്ത് ഗണേഷ് (17) ആണ് മരിച്ചത്. ഗണേഷും സുഹൃത്തുക്കളായ രോഹിത്, കോട്ടംപട്ടി കവിന്‍ കുമാര്‍ എന്നിവരും ചേര്‍ന്ന് പൊള്ളാച്ചിയില്‍ നിന്ന് പല്ലടത്തേക്ക് കാറില്‍ പൊയ്ക്കൊണ്ടിരിക്കെ രാസാക്കപാളയത്തില്‍ വെച്ച്‌ കാര്‍ നിര്‍ത്തിയിട്ടിരുന്ന ക്രെയിനില്‍ ഇടിക്കുകയായിരുന്നു. ഗുരുതരമായി പരിക്കേറ്റ മൂന്നു പേരെയും കോയമ്പത്തൂരിലുള്ള സ്വകാര്യ ആശുപത്രിയില്‍ എത്തിച്ചെങ്കിലും ഗണേഷ് വഴിമധ്യേ മരിച്ചു.
