അരൂര്: അരൂര്-ഇടക്കൊച്ചി പാലത്തില് ബൈക്ക് യാത്രികന് കഴുത്തില് ചൂണ്ടയുടെ ടങ്കീസ് കുരുങ്ങി മുറിവേറ്റു. അരൂര് കോന്നോത്ത് ബോണിഫസിന്റെ (49) കഴുത്തിലാണ് ടങ്കീസ് കുരുങ്ങിയത്. പെട്ടെന്ന് ബൈക്ക് നിയന്ത്രിച്ചതിനാല് അപകടം ഒഴിവായി. കൂടെ മകളും ഉണ്ടായിരുന്നു. കഴിഞ്ഞദിവസം പകല് മൂന്നോടെയായിരുന്നു സംഭവം. ഈ സമയം പാലത്തിന്റെ ഇരുഭാഗങ്ങളിലുമായി ഇരുപതിലേറെ പേര് ചൂണ്ടയിടാന് ഉണ്ടായിരുന്നെന്ന് ബോണിഫസ് പറഞ്ഞു. ഇതിലേറെയും അതിഥി തൊഴിലാളികളായിരുന്നു. ടങ്കീസ് ബൈക്ക് യാത്രികന്റെ കഴുത്തില് കുരുങ്ങിയെന്ന് മനസ്സിലായതോടെ ചൂണ്ടയിട്ട് കൊണ്ടിരുന്നവരെല്ലാം സ്ഥലം വിട്ടു. ബോണിഫസ് അരൂര് ഗവ.ആശുപത്രിയില് ചികിത്സതേടി. അരൂര് പോലീസില് പരാതി നല്കി.
