നോയിഡ: അത്യാവശ്യ സേവനങ്ങള്ക്കായുള്ള നമ്പരില് വിളിച്ച് പ്രധാനമന്ത്രിയെ അപകടത്തില്പ്പെടുത്തുമെന്ന് ഭീഷണിപ്പെടുത്തിയ യുവാവ് അറസ്റ്റില്. തിങ്കളാഴ്ച രാവിലെയാണ് സംഭവം. ഹരിയാന സ്വദേശിയായ ഹര്ഭജന് സിംഗാണ് 100 ല് വിളിച്ച് പ്രധാനമന്ത്രിയെ അപകടത്തില്പ്പെടുത്തുമെന്ന് ഭീഷണി മുഴക്കിയത്. ഇയാളെ നോയിഡ പോലീസ് അറസ്റ്റ് ചെയ്തു.
നോയിഡയിൽ താമസിക്കുന്ന ഹര്ഭജന് സിംഗ് സ്ഥിരമായി ലഹരി ഉപയോഗിച്ചിരുന്ന ആളാണെന്നാണ് പോലീസ് പറയുന്നത്. ലഹരിയുപയോഗിച്ച ശേഷം എമര്ജന്സി നമ്പരായ നൂറില് വിളിച്ചാണ് പ്രധാനമന്ത്രി നരേന്ദ്ര മോദിയെ അപകടപ്പെടുത്തുമെന്ന് കഴിഞ്ഞ ദിവസം ഇയാള് ഭീഷണിപ്പെടുത്തിയത്.
ഫോണ് നമ്പര് ട്രെയ്സ് ചെയ്ത് പോലീസ് നടത്തിയ തിരച്ചിലിലാണ് ഹര്ഭജന് സിംഗാണ് ഭീഷണി മുഴക്കിയതെന്ന് കണ്ടെത്തിയത്. ഇയാളുടെ അറസ്റ്റ് രേഖപ്പെടുത്തി. അവശ്യ സര്വ്വീസ് നമ്പര് ദുരുപയോഗം ചെയ്തതിനും ഭീഷണിപ്പെടുത്തലിനും ലഹരി ഉപയോഗത്തിനുമാണ് യുവാവിനെതിരെ കേസ് എടുത്തിട്ടുള്ളത്. അതേസമയം ഇയാളെ പോലീസ് ചോദ്യം ചെയ്യുകയാണ്. ഇയാള് ലഹരി വസ്തുക്കള്ക്ക് അടിമയാണെന്നും പരിശോധനയ്ക്ക് വിധേയമാക്കിയിട്ടുണ്ടെന്നും നോയിഡ അഡീഷണല് ഡിസിപി അറിയിച്ചു.
