പുല്ലാട് : കോയിപ്രത്ത് എം.ഡി.എം.എയും കഞ്ചാവുമായി യുവാവ് എക്സൈസ് സ്ക്വാഡിന്റെ പിടിയിലായി. കോയിപ്രം കിഴക്കേയറ്റം വീട്ടില് ഫിലിപ്പ് ചാക്കോയുടെ മകന് ജേക്കബ് ഫിലിപ്പ് (23) ആണ് പിടിയിലായത്. കോയിപ്രം കനാല് റോഡില് വെച്ച് പിടിയിലായ ഇയാളില്നിന്നും രണ്ട് ഗ്രാം എം.ഡി.എം.എയും ഒരു കിലോക്ക് മുകളില് കഞ്ചാവും പത്തനംതിട്ട എക്സൈസ് സ്ക്വാഡ് പിടിച്ചെടുത്തു. ബംഗ്ലൂരില് നിന്നും നാട്ടില് വില്പനയ്ക്കായി കൊണ്ടുവന്നതാണ് ഈ ലഹരി വസ്തുക്കള് എന്നും പ്രതി കുറ്റസമ്മതം നടത്തി. സ്ക്വാഡ് സി.ഐ വിനോദ് എം.ഓ, എസ്.ഐ അജി കുമാര്, മനോജ്, ഡബ്ല്യു.സി.ഓ ജിജി, സിവില് ഓഫീസര്മാരായ സോജന്, കൃഷ്ണകുമാര്, പ്രിവന്റിവ് ഓഫീസര് ഗിരീഷ്, ഐ.ബി.സി.ഓ സിജു, നിതിന് എന്നിവരുടെ നേതൃത്വത്തിലാണ് പ്രതിയെ പിടികൂടിയത്. കോടതിയില് ഹാജരാക്കിയ പ്രതിയെ റിമാണ്ട് ചെയ്തു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
