റാന്നി : കേരളത്തിൽ നോക്ക് കുത്തിയായി മാറിയ ആഭ്യന്തര വകുപ്പിനെതിരെ യൂത്ത് കോൺഗ്രസ് സംസ്ഥാന കമ്മറ്റി ആഹ്വാനം ചെയ്ത നോക്കുകുത്തി പ്രതിഷേധം റാന്നിയില് നടത്തി. റാന്നി നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ റാന്നി പോലീസ് സ്റ്റേഷനു മുന്നിലായിരുന്നു പ്രതിഷേധം. സമരം ബ്ലോക്ക് പഞ്ചായത്ത് അംഗം അഡ്വ. സിബി താഴെത്തില്ലത്ത് ഉദ്ഘാടനം ചെയ്തു. നിയോജകമണ്ഡലം പ്രസിഡന്റ് അഡ്വ. സാംജി ഇടമുറി അധ്യക്ഷത വഹിച്ചു. ജെറിൻ പ്ലാച്ചേരിൽ, ഷിബു തോണിക്കടവിൽ, സി.എം ഉദയൻ, ജോബി പറങ്കാമൂട്ടിൽ, ജെവിൻ കാവുങ്കൽ, ഷിബിൻ എഴുമറ്റുർ, ഷിജോ ചേന്നമല, റോണി ചെറുവാഴകുന്നേൽ, സേവ്യർ സെബാസ്റ്റ്യൻ എന്നിവർ പ്രസംഗിച്ചു.
