കാഞ്ഞങ്ങാട് : ടാങ്കർ ലോറിക്കടിയിലേക്കു വീണ സ്കൂട്ടർ യാത്രികന് ദാരുണാന്ത്യം. അരയിക്കടവിലെ സജീവൻ – റാണി ദമ്പതികളുടെ മകൻ സജിത്താണ് (21) മരിച്ചത്. പടന്നക്കാട് മേൽപാലത്തിൽ ആറോടെയായിരുന്നു അപകടം. ടൈൽസ് ജോലി കഴിഞ്ഞ് മടങ്ങുകയായിരുന്ന തൊഴിലാളികൾ സഞ്ചരിച്ച സ്കൂട്ടർ മഴയിൽ തെന്നിവീഴുകയായിരുന്നു. സ്കൂട്ടർ ഓടിച്ചയാൾ റോഡിന് താഴേക്കു വീണതിനാൽ പരിക്കുകളോടെ രക്ഷപ്പെട്ടു. മുത്തപ്പനാർകാവ് സ്വദേശി ചന്ദ്രേന്റേതാണ് സ്കൂട്ടറെന്ന് പോലീസ് പറഞ്ഞു. സജിത്തിന് രണ്ടു സഹോദരങ്ങളുണ്ട്.
