കാസര്ഗോഡ്: കാഞ്ഞങ്ങാട് റാലിക്കിടെ വിദ്വേഷ മുദ്രാവാക്യം വിളിച്ചുവെന്ന പരാതിയില് പോലീസ് മൂന്നുപേരെ കൂടി അറസ്റ്റ് ചെയ്തു. നൗഷാദ് പി. എം, സായസമീര്, ആവി സ്വദേശിയായ 17കാരന് എന്നിവരെയാണ് അറസ്റ്റ് ചെയ്തത്. ഇതോടെ കേസില് അറസ്റ്റിലായവരുടെ എണ്ണം എട്ടായി. വിദ്വേഷ മുദ്രാവാക്യം വിളിച്ച സംഭവത്തില് ഹൊസ്ദുര്ഗ് പോലീസ് രജിസ്റ്റര് ചെയ്ത കേസില് അഞ്ച് പേര് റിമാന്ഡിലാണ്.
അതേസമയം കേസ് രജിസ്റ്റര് ചെയ്തതിനു പിന്നാലെ സോഷ്യല് മീഡിയ നിരീക്ഷണം ശക്തമാക്കി പോലീസ്. ഫേസ്ബുക്ക് , ഇന്സ്റ്റഗ്രാം വാട്സ് ആപ്, ടെലിഗ്രാം തുടങ്ങിയ സോഷ്യല് മീഡിയകളില് വിദ്വേഷ പ്രസംഗം , പ്രകോപനപരമായ സന്ദേശങ്ങള്, തെറ്റായ വാര്ത്തകള് എന്നിവ പ്രചരിപ്പിക്കുന്നവര്ക്കെതിരെ ഐപിസി സെക്ഷന് 153 പ്രകാരം ജാമ്യമില്ലാ വകുപ്പ് ചുമത്തി കേസെടുക്കുമെന്ന് ജില്ലാ പോലീസ് മേധാവി വൈഭവ് സക്സേന പറഞ്ഞു.
