ചെങ്ങന്നൂർ : യുവസമൂഹം നന്മയും വിശ്വസ്തതയും സൗമ്യതയുമുള്ളവരാകണമെന്നും ഭാവിസമൂഹം സുരക്ഷിതമാക്കുന്നതിന് ഇങ്ങനെയുള്ള യുവതയാണ് ആവശ്യമെന്നും മന്ത്രി സജി ചെറിയാൻ പറഞ്ഞു. കേരള കൗൺസിൽ ഓഫ് ചർച്ചസിന്റെ പത്തനംതിട്ട, ആലപ്പുഴ, കൊല്ലം, തിരുവനന്തപുരം ജില്ലകൾ ഉൾപ്പെടുന്ന ദക്ഷിണമേഖലയുടെ റീജണൽ സമ്മേളനം പുത്തൻകാവ് സെയ്ന്റ് മേരീസ് ഓർത്തഡോക്സ് കത്തീഡ്രലിൽ ഉദ്ഘാടനം ചെയ്യുകയായിരുന്നു അദ്ദേഹം.
കെസിസി വൈസ് പ്രസിഡന്റ് മാത്യൂസ് മാർ സെറാഫിം എപ്പിസ്കോപ്പ അധ്യക്ഷത വഹിച്ചു. ബിഷപ്പ് ഡോ. ജോർജ് ഈപ്പൻ, മേജർ ബാബു പൗലോസ്, കെസിസി ജനറൽ സെക്രട്ടറി ഡോ. പ്രകാശ് പി. തോമസ്, ഫാ. ജിനു പള്ളിപ്പാട്, ഫാ. ജിജോ കെ. ജോയ്, യൂത്ത് കമ്മിഷൻ ചെയർമാൻ അഡ്വ. പ്രസിൻ ജോർജ് കുര്യാക്കോസ്, സാം വി. ജേക്കബ്, ആൽബി അന്ന എബി, ലിനോജ് ചാക്കോ തുടങ്ങിയവർ പ്രസംഗിച്ചു.
