കണ്ണൂര് : ഭാര്യയെയും മകളെയും പുഴയില് തള്ളിയിട്ടു, ഒന്നര വയസ്സുകാരി മുങ്ങി മരിച്ചു. മരണത്തില് അച്ഛനെതിരെ കൊലക്കുറ്റത്തിന് പോലീസ് കേസെടുത്തു. അമ്മ സോനയുടെ മൊഴിയുടെ അടിസ്ഥാനത്തിലാണ് ഭര്ത്താവ് ഷിജുവിനെതിരെ കൊലക്കുറ്റത്തിന് കേസെടുത്തത്. ഇയാള് ഒളിവിലാണ്.
തന്നേയും മകളേയും പുഴയിലേക്ക് തള്ളിയിട്ടെന്നാണ് സോനയുടെ മൊഴി. ഇന്നലെ രാത്രി ഏഴ് മണിയോടെയാണ് സംഭവം. പാത്തിപ്പാലം വള്ള്യായി റോഡിലെ ജല അതോറിറ്റിയ്ക്ക് സമീപത്തെ ചാത്തന്മൂല ഭാഗത്തെ പുഴയിലാണ് ദുരൂഹ സാഹചര്യത്തില് അമ്മയേയും കുഞ്ഞിനേയും വീണ നിലയില് കണ്ടെത്തിയത്.
അമ്മയുടെ നിലവിളി കേട്ട നാട്ടുകാര് രക്ഷപെടുത്തുകയായിരുന്നു. ഒന്നരവയസ്സുള്ള കുട്ടിയുടെ മൃതദേഹം പുഴയുടെ സമീപത്ത് നിന്നുമാണ് കണ്ടെടുത്തത്. ഭര്ത്താവിന്റെ കൂടെ മൂന്ന് പേരും ബൈക്കില് പുഴയ്ക്ക് സമീപം എത്തുകയും പുഴയിലേക്ക് തള്ളിയിടുകയുമായിരുന്നുവെന്നാണ് വിവരം.
