റാന്നി: പലകക്കാവ് – കൊല്ലമുള സാംസ്കാരിക നിലയം റോഡിലെ കലുങ്കിന്റെ നിർമ്മാണത്തിനായി 10 ലക്ഷം രൂപ അനുവദിച്ചതായി അഡ്വ പ്രമോദ് നാരായൺ എംഎൽഎ പറഞ്ഞു. മുക്കൂട്ടുതറയെയും ചാത്തൻതറയെയും ബന്ധിപ്പിക്കുന്ന ഗ്രാമീണ റോഡിന് 6 മീറ്ററിലധികം വീതിയുണ്ട്. മുക്കൂട്ടുതറ -കൊല്ലമുള – ചാത്തൻ തറ പ്രധാന റോഡിൽ ഗതാഗത തടസ്സം ഉണ്ടാവുകയാണെങ്കിൽ വാഹനങ്ങൾ ഇതുവഴി തിരിഞ്ഞ് പോകാനാകും. രണ്ട് ജില്ലകളുടെ അതിർത്തിയിലൂടെയുള്ള റോഡ് എന്ന പ്രത്യേകതയും ഇതിന് ഉണ്ട്. ഈ റോഡിലെ കാലപ്പഴക്കം ചെന്നതും ഉയരമില്ലാത്തതുമായ കലുങ്ക് ആയിരുന്നു ഇതുവരെ പ്രശ്നം ഉണ്ടാക്കിയിരുന്നത്. ഒരു മഴ പെയ്തു തോട്ടിൽ വെള്ളം ഉയർന്നാൽ ഉടൻതന്നെ കലുങ്ക് മുങ്ങി ഗതാഗത തടസ്സം ഉണ്ടാകുന്ന അവസ്ഥയായിരുന്നു. നേരത്തെ ഈ കലുങ്കിന്റെ ഭാഗത്ത് ബൈക്ക് യാത്രക്കാരൻ ഒഴുക്കിൽപ്പെട്ട് മരണപ്പെടുന്ന സംഭവം ഉണ്ടായി. പ്രവൃത്തിയുടെ സാങ്കേതിക അനുമതി കൂടി ലഭിച്ചാലുടൻ ടെൻഡർ നടപടി പൂർത്തിയാക്കി നിർമ്മാണം ആരംഭിക്കാൻ ആകുമെന്നും എംഎൽഎ പറഞ്ഞു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
