കോഴിക്കോട് : അനുജന്റെ പിറന്നാള് ആഘോഷത്തിന് ബീച്ചിലെത്തിയ പതിനൊന്നുകാരി മുങ്ങി മരിച്ചു. മണിയൂര് മുതുവന യിലെ കുഴിച്ചാലില് റിജുവിന്റെ മകള് സനോമിയ ആണ് മരിച്ചത്. അനുജന് സിയോണിന്റെ ഒന്നാം പിറന്നാളായിരുന്നു ശനിയാഴ്ച. പിറന്നാള് ആഘോഷിക്കാനാണ് കുടുംബം ശനിയാഴ്ച വൈകുനേരം ബീച്ചില് എത്തിയത്. ബീച്ചിന് സമീപമുള്ള തീരത്ത് നില്ക്കുമ്പോള് ശക്തമായ തിരയ്ക്കൊപ്പം കുട്ടി ഒഴുകിപ്പോവുകയായിരുന്നു. രക്ഷാപ്രവര്ത്തകര് കരക്കെത്തിച്ച് ആദ്യം വടകരയിലും പിന്നീട് കോഴിക്കോട്ടെയും ആശുപത്രിയിലെത്തിച്ചെങ്കിലും രക്ഷിക്കാനായില്ല. കുറുന്തോടി യു.പി സ്കൂള് ആറാം ക്ലാസ് വിദ്യാര്ത്ഥിനിയാണ് സനോമിയ.
