മലപ്പുറം : കാളികാവ് പോലീസ് സ്റ്റേഷനിലെ സര്ക്കിള് ഇന്സ്പെക്ടര് അടക്കം 12 പോലീസുകാര്ക്ക് കോവിഡ് സ്ഥിരീകരിച്ചതോടെ പോലീസ് സ്റ്റേഷന് താല്ക്കാലികമായി അടച്ചിട്ടു. നേരത്തെ നടത്തിയ ആന്റിജന് പരിശോധനയില് രണ്ടു പോലീസുകാര്ക്ക് കോവിഡ് സ്ഥിരീകരിച്ചിരുന്നു. ഇവര്ക്ക് പിന്നീട് നെഗറ്റീവാകുകയും ചെയ്തിരുന്നു. പിന്നീട് വ്യാഴാഴ്ച മുഴുവന് പോലീസുകാരുടെയും സ്രവം പരിശോധനക്കായി അയക്കുകയായിരുന്നു. 12 പേര്ക്കും രോഗലക്ഷണങ്ങള് ഇല്ല. പോലീസ് സ്റ്റേഷന് അടച്ച സാഹചര്യത്തില് പരാതികള് ഓണ്ലൈനായും വാട്സ്ആപ് വഴിയും സ്വീകരിക്കും. പ്രതിരോധ പ്രവര്ത്തനങ്ങള് ശക്തമായി തുടരുമെന്ന് സി.ഐ ജോതീന്ദ്ര കുമാര് പറഞ്ഞു.
