പത്തനംതിട്ട ജില്ലയില്‍ 43 ദുരിതാശ്വാസ ക്യാമ്പുകളില്‍ 1234 പേര്‍

പത്തനംതിട്ട : മഴയെത്തുടര്‍ന്ന് പത്തനംതിട്ട ജില്ലയില്‍ ആരംഭിച്ച ദുരിതാശ്വാസ ക്യാമ്പുകളില്‍ കഴിയുന്നത് 1234 പേര്‍. നാല് താലൂക്കുകളിലെ 43 ദുരിതാശ്വാസ ക്യാമ്പുകളിലായി 389 കുടുംബങ്ങളിലെ 1234 പേരാണ് ക്യാമ്പുകളില്‍ കഴിയുന്നത്. കോഴഞ്ചേരി താലൂക്കില്‍ 5, അടൂരില്‍ 13, തിരുവല്ലയില്‍ 23, റാന്നിയില്‍ 2 ക്യാമ്പുകളാണുള്ളത്. ആകെ 389 കുടുംബങ്ങളിലെ 478 പുരുഷന്മാരും 528 വനിതകളും 119 ആണ്‍കുട്ടികളും 109 പെണ്‍കുട്ടികളും ക്യാമ്പില്‍ കഴിയുന്നു.