ജക്കാര്ത്ത: ഇന്തോനീഷ്യയില് ഫുട്ബോള് മത്സരത്തിനിടെയുണ്ടായ തിക്കിലും തിരക്കിലും പെട്ട് 127 മരണം. 180 പേര്ക്ക് പരുക്കേറ്റു. മലംഗിലെ ഫുട്ബോള് സ്റ്റേഡിയത്തില് അരേമ എഫ്സിയും പെര്സെബയ സുരബായയും തമ്മിലുള്ള മത്സരത്തിനുശേഷമാണ് സംഭവം. പെര്സെബയ 3-2 ന് മത്സരം ജയിച്ചു. പിന്നാലെ തോറ്റ ടീമിന്റെ ആരാധകര് ഗ്രൗണ്ടിലേക്ക് ഇരച്ചുകയറുകയായിരുന്നു.
കാണികളെ ഒഴിപ്പിക്കാന് പോലീസ് കണ്ണീര്വാതകം പ്രയോഗിച്ചു. ഇതിനിടെയാണ് ആളുകള് തിക്കിലും തിരക്കിലുംപെട്ടത്. സംഭവത്തെ തുടര്ന്ന് ഇന്തൊനീഷ്യന് ടോപ്പ് ലീഗ് ബിആര്ഐ ലിഗ-1 മത്സരങ്ങള് ഒരാഴ്ചത്തേക്ക് നിര്ത്തിവെച്ചതായും അന്വേഷണം ആരംഭിച്ചെന്നും ഇന്തോനീഷ്യയിലെ ഫുട്ബോള് അസോസിയേഷന് (പിഎസ്എസ്ഐ) അറിയിച്ചു.