കൊച്ചി: എറണാകുളം ജില്ലയില് ബിജെപിയില് നിന്ന് 15 പേരെ പ്രാഥമിക അംഗത്വത്തില് നിന്നും പുറത്താക്കി. തദ്ദേശ തെരഞ്ഞെടുപ്പുമായി ബന്ധപ്പെട്ട് സംഘടനാ വിരുദ്ധ പ്രവര്ത്തനം നടത്തിയവര്ക്കും വിമത പ്രവര്ത്തനം നടത്തിയവര്ക്കും എതിരെയാണ് അച്ചടക്ക നടപടി.
നാലു നിയോജകമണ്ഡലങ്ങളിലെ 15 പേരെ പ്രാഥമിക അംഗത്വത്തില് നിന്നും പുറത്താക്കി. നേതൃപദവികളില് നിന്നും ഏഴു നിയോജക മണ്ഡലങ്ങളിലായി 34 പേരെ ഒഴിവാക്കുകയും ചെയ്തു. ബിജെപി പിറവം നിയോജക മണ്ഡലത്തില് തദ്ദേശ തെരഞ്ഞെടുപ്പ് ഫലം വിലയിരുത്താനായി ചേര്ന്ന കമ്മിറ്റി യോഗത്തില് കയ്യാങ്കളിയുണ്ടായിരുന്നു. ഇതിന് നേതൃത്വം നല്കിയവര്ക്കെതിരെയും നടപടി എടുത്തിട്ടുണ്ട്. പറവൂര്, തൃപ്പൂണിത്തുറ, പിറവം, വൈപ്പിന് എന്നീ നിയോജക മണ്ഡലങ്ങളിലെ 15 പേരെയാണ് പ്രാഥമിക അംഗത്വത്തില് നിന്നും പുറത്താക്കിയത്.
