പത്തനംതിട്ട : പത്തനംതിട്ട ഓണം ഫെസ്റ്റിലെ 16 D ആനിമേഷന് തീയേറ്റര് അത്ഭുതമാകുന്നു. സാധാരണയുള്ള 3D , 4D ഷോകളുടെ ഏറ്റവും പുതിയ പതിപ്പാണ് 16 D ആനിമേഷന്. കണ്ണിനേയും മനസിനെയും മായാപ്രപഞ്ചത്തിലേക്ക് നയിക്കുന്ന ഈ ഷോ പ്രായഭേദമന്യേ എല്ലാവര്ക്കും ഒരു പുത്തന് അനുഭവമാണ്. ദൃശ്യാനുഭവത്തോടൊപ്പം ചലനാനുഭവവും ഈ ഷോയില് ലഭിക്കും. ഇടി, മഴ, മിന്നൽ, കാറ്റ് തുടങ്ങിയ റിയാലിറ്റി അനുഭവങ്ങൾ ഈ ഷോയുടെ പ്രത്യേകതയാണ്. പത്തനംതിട്ടയിൽ ആദ്യമായാണ് ഇത്തരമൊരു ഷോ വരുന്നത്. പത്തനംതിട്ട ശബരിമല ഇടത്താവളം ഗ്രൌണ്ടിലാണ് പ്രദര്ശനം നടക്കുന്നത്.
ജില്ലാ വ്യവസായ കേന്ദ്രത്തിന്റെ നേതൃത്വത്തിൽ ജില്ലയിലെ ചെറുകിട വ്യവസായ സംരംഭകർ നിർമ്മിക്കുന്ന ഉൽപന്നങ്ങളുടെ പ്രദർശനവും വില്പ്പനയും പത്തനംതിട്ട ഓണം ഫെസ്റ്റിലുണ്ട്. സെപ്തംബര് 25 വരെ നടക്കുന്ന പ്രദർശനത്തിൽ ഭക്ഷ്യ – ഗാർഹിക – കരകൗശല ഉൽപ്പന്നങ്ങളുടെയും വൈവിധ്യമാർന്ന ഗൃഹോപകരണങ്ങളുടെയും വിപുലമായ ശേഖരമാണ് ഒരുക്കിയിട്ടുളളത്. രാവിലെ 11 മുതൽ രാത്രി 8.30 വരെയാണ് പ്രദർശനം.
