കരുനാഗപ്പള്ളി : കരുനാഗപ്പള്ളിയില് വന് കഞ്ചാവ് വേട്ട. കഞ്ചാവും മാരക ഇനത്തില്പെട്ട ന്യൂജന് മയക്കുമരുന്നായ എം.ഡി.എം.എയും വില്പന നടത്തിയ രണ്ടുപേരെ കരുനാഗപ്പള്ളി പോലീസ് അറസ്റ്റ് ചെയ്തു. ശൂരനാട് തെക്ക് പതാരം കിടങ്ങയം നടുവില മുറിയില് കണ്ടത്തില് തറയില് പടിഞ്ഞാറ്റതില് മുഹമ്മദ് ഷാന് (33), കരുനാഗപ്പള്ളി പടനായര്കുളങ്ങര തെക്ക് മണ്ണാണിക്കല് കിഴക്കതില് വീട്ടില് ആദര്ശ് (23) എന്നിവരെയാണ് ഒന്നേകാല് കിലോ കഞ്ചാവും ആറ് ഗ്രാം എം.ഡി.എം.എയുമായി പിടികൂടിയത്.
ആഡംബര കാറില് കറങ്ങി നടന്നാണ് വില്പ്പന. അന്തര് ജില്ല മയക്കുമരുന്ന് കടത്ത് സംഘത്തിലെ കണ്ണികളാണ് ആദര്ശും ഷാനും. പുതു തലമുറ ലഹരി പാര്ട്ടികളിലും വിരുന്നുകളിലും ഉപയോഗിച്ചു വരുന്ന മാരക ഇനത്തില്പെട്ട മീതൈല് ഡയോക്സി മെറ്റാപെത്തലിന് എന്ന ഇനത്തില്പെട്ട മയക്കുമരുന്നു ബാംഗ്ലൂരില് നിന്നാണ് ഇവര് കൊണ്ടുവരുന്നത്. പ്രതികളെ റിമാന്ഡ് ചെയ്തു.
