നെടുമങ്ങാട്: പടക്കമെറിഞ്ഞ് ഭീകരാന്തരീക്ഷം സൃഷ്ടിച്ച് ബൈക്ക് യാത്രക്കാരനായ യുവാവിനെ വെട്ടി പരിക്കേല്പ്പിച്ച കേസില് രണ്ടുപേര് അറസ്റ്റില്. കാച്ചാണി സ്വദേശി സചിന്, വട്ടിയൂര്ക്കാവ് സ്വദേശി ഗോകുല് എന്നിവരെയാണ് അറസ്റ്റ് ചെയ്തത്. അരുവിക്കര പോലീസ് ആണ് പ്രതിയെ അറസ്റ്റ് ചെയ്തത്. ക്രിസ്മസ് ദിവസം രാത്രി 10 മണിയോടെ വട്ടിയൂര്ക്കാവ് കാച്ചാണിയിലായിരുന്നു കേസിനാസ്പദമായ സംഭവം. വെള്ളനാട് വെളിയന്നൂര് രാജു ഭവനില് വെല്ഡിങ് ജോലിക്കാരനായ ആര്. രാഹുല് (23) ആണ് അക്രമത്തിന് ഇരയായത്. ക്രിസ്മസ് രാത്രി മദ്യപിച്ച് ഫോണിലൂടെ ഉണ്ടായ വാക്കേറ്റത്തെ തുടര്ന്നാണ് കാച്ചാണിയില് വച്ച് ബൈക്ക് തടഞ്ഞ് നിര്ത്തി രാഹുലിന്റെ കൈയ്യില് വെട്ടിയത്.
