കളമശ്ശേരി : യാത്രക്കാരില് നിന്ന് വിലപിടിപ്പുള്ള സാധനങ്ങള് മോഷ്ടിക്കുന്ന രണ്ടുപേര് അറസ്റ്റില്. കളമശ്ശേരി പോലീസ് ആണ് പ്രതിയെ അറസ്റ്റ് ചെയ്തത്. ചേരാനല്ലൂര് കച്ചേരിപ്പടി സ്വദേശികളായ വടക്കു മനപറമ്പില് ആന്സണ് ഡി കോസ്റ്റ (22), വാര്യത്ത് വീട്ടില് അരുള് സെബാസ്റ്റ്യന് (23) എന്നിവരെയാണ് പോലീസ് അറസ്റ്റ് ചെയ്തത്. കണ്ടെയ്നര് റോഡില് ജോജി ജോണ് എന്നയാളുടെ ബൈക്കില് നിന്ന് ബാഗ് മോഷ്ടിച്ച് കടന്നുകളയുകയായിരുന്നു.
ഒളിവില് പോയ ആന്സണ് ഡി കോസ്റ്റയെ കളമശ്ശേരിയില് നിന്നും അരുണിനെ ഇടപ്പള്ളിയില് നിന്നുമാണ് പിടികൂടിയത്. ഇവരില് നിന്ന് മോഷണ സാധനങ്ങളും ആയുധങ്ങളും കണ്ടെത്തിയിട്ടുണ്ട്. മയക്കുമരുന്ന്, മോഷണം തുടങ്ങിയ കേസുകളില് ഇരുവരെയും മുമ്പും അറസ്റ്റ് ചെയ്തിരുന്നതായി പോലീസ് പറഞ്ഞു. കളമശ്ശേരി സി.ഐ പി.ആര്. സന്തോഷ്, എസ്.ഐമാരായ കിരണ് സി. നായര്, എം.പി. ഏലിയാസ്, ടി.വി. സുധീര്, വി.ജെ. ജോസഫ്, എ.എസ്.ഐമാരായ വി.എ. ഷുക്കൂര്, ദിലീപ്, നൗഷാദ്, എസ്.സി.പി.ഒ ഇസ്ഹാക്, സി.പി.ഒ മിഥുന് എന്നിവര് ചേര്ന്നാണ് പ്രതികളെ പിടികൂടിയത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
