ആലപ്പുഴ: കായംകുളത്ത് വീട് കുത്തിത്തുറന്ന് 20 പവന് സ്വര്ണവും പണവും കവര്ന്ന കുപ്രസിദ്ധ മോഷ്ടാവ് ‘സ്പൈഡര് സുനില്’ ഉള്പ്പെടെ രണ്ടു പേര് അറസ്റ്റില്. ജൂണ് 25ന് പുലര്ച്ചെയാണ് കായംകുളം ഞക്കനാലില് കറുകത്തറ ബഷീറിന്റെ വീട്ടില് കവര്ച്ച നടന്നത്. 20 പവന് സ്വര്ണവും 5000 രൂപയും മോഷ്ടിച്ച കേസിലാണ് ഇരുവരെയും പോലീസ് അറസ്റ്റ് ചെയ്തത്. കിടപ്പുമുറിയിലെ അലമാരയില് സൂക്ഷിച്ചിരുന്ന സ്വര്ണവും പണവും കവരുകയായിരുന്നു .സുനില് മോഷ്ടിക്കുന്ന സ്വര്ണം വില്ക്കുന്നത് രണ്ടാം പ്രതിയായ സഫറാണ്. ഓച്ചിറ, കായംകുളം, വള്ളികുന്നം പോലീസ് സ്റ്റേഷന് പരിധിയിലെ വിവിധ സ്ഥലങ്ങളില് വീട് കുത്തിത്തുറന്ന് കവര്ച്ച നടത്തിയത് ഇവരാണെന്നു പോലീസ് പറയുന്നു.
