കാസര്കോട് : എം.ഡി.എം.എ മയക്കുമരുന്നുമായി രണ്ട് പേര് ആന്റി നര്കോട്ടിക് വിഭാഗത്തിന്റെ പിടിയില്. അമ്പലത്തറ മൂന്നാംവയലിലെ അര്ഷാദ് (32), കാഞ്ഞങ്ങാട് സ്വദേശി സുബൈര് (42) എന്നിവരാണ് അറസ്റ്റിലായത്. കാറില് വില്പന നടത്തുന്നതിനിടെയാണ് 4.5 ഗ്രാം എം.ഡി.എം.എയുമായി ഇവര് പിടിയിലായത്. അര്ധരാത്രി 12.20ന് ആണ് സംഭവം.
എക്സൈസ് എന്ഫോഴ്സ്മെന്റ് ആന്ഡ് ആന്റി നര്ക്കോട്ടിക് സ്പെഷ്യല് സ്ക്വാഡിലെ സി.ഐ ജോയി ജോസഫും സംഘവും കാഞ്ഞങ്ങാട് കരുവളത്തു വെച്ചാണ് ഇവരെ പിടികൂടിയത്. ബലേനോ കാറില് വില്പ്പനക്ക് കൊണ്ടുപോകവെയാണ് പിടിയിലായത്. പ്രിവന്റീവ് ഓഫീസര്മാരായ സന്തോഷ് കുമാര്, സുധീന്ദ്രന്, സിവില് എക്സൈസ് ഓഫിസര്മാരായ സാജന് അപ്യാല്, അജീഷ് സി, മഞ്ജുനാഥന്. വി, മോഹനകുമാര്, നിഷാദ് ഡ്രൈവര് ദിജിത്ത് എന്നിവര് സംഘത്തിലുണ്ടായിരുന്നു. അറസ്റ്റിലായ യുവാക്കളെ കോടതിയില് ഹാജരാക്കി.
