മസ്ക്കറ്റ്: ഒമാനില് മരുഭൂമിയില് കുടുങ്ങിയ രണ്ട് ഇന്ത്യക്കാര് മരിച്ചു. തമിഴ്നാട് തിരുനെല്വേലി സ്വദേശി സയ്യിദ്മുഹമ്മദ് അമീസ് (30), തിരുച്ചിറപ്പള്ളി രാധനെല്ലൂര് സ്വദേശി ഗണേഷ് വര്ധാന് (33) എന്നിവരാണ് മരിച്ചത്. ദോഫാര് തുംറൈത്തിന് അടുത്ത് ഒമാന്റെ അതിര്ത്തി പ്രദേശമായ ഒബാറില് ചൊവ്വാഴ്ച സര്വേ ജോലിക്കായി പോയപ്പോള് മരുഭൂമിയില് ഇരുവരും സഞ്ചരിച്ചിരുന്ന വാഹനത്തിന്റെ ടയര് മണലില് താഴ്ന്നാണ് അപകടം സംഭവിച്ചത്.
