മുംബൈ: 20 രൂപയെ ചൊല്ലിയുണ്ടായ തര്ക്കം മൂത്ത് വഴിയോര ഇഡ്ഡലി കച്ചവടക്കാരനെ മൂന്നുപേര് ചേര്ന്ന് മര്ദ്ദിച്ച് കൊലപ്പെടുത്തി. താനെ ജില്ലയിലെ മിറ റോഡിലാണ് സംഭവം.സംഭവത്തില് കൊലപാതകികളെ തിരിച്ചറിഞ്ഞിട്ടില്ല.
26കാരനായ വിരേന്ദ്ര യാദവ് വഴിയോരത്ത് ഇഡ്ഡലി കച്ചവടം നടത്തുന്ന വ്യക്തിയാണ്. വെള്ളിയാഴ്ച രാവിലെ ഇഡ്ഡലി കഴിക്കാനെത്തിയ മൂന്നംഗ സംഘവും വിരേന്ദ്ര യാദവും തമ്മില് 20 രൂപയെ ചൊല്ലി തര്ക്കം മൂത്തു . വാക്കുതര്ക്കത്തിനിടെ വിരേന്ദ്ര യാദവിനെ മൂന്നുപേര് ചേര്ന്ന് മര്ദ്ദിക്കുകയും തള്ളിയിടുകയും ചെയ്തു. തലയടിച്ച വീണ ഇയാളെ സമീപത്തുണ്ടായിരുന്നവര് തൊട്ടടുത്ത ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
തുടര്ന്ന് മൃതദേഹം പോസ്റ്റുമോര്ട്ടത്തിന് അയച്ചു. മൂന്നുപേര്ക്കെതിരെ കൊലപാതകത്തിന് കേസെടുത്തു. പ്രതികളെ തേടിയുള്ള അന്വേഷണം ഊര്ജിതമാക്കിയെന്ന് പൊലീസ് അറിയിച്ചു.
