തിരുവനന്തപുരം: തിരുവനന്തപുരം വിമാനത്താവളവുമായി ബന്ധപ്പെട്ട് സര്ക്കാര് നിയമസഹായം തേടിയത് അദാനിയുമായി ബന്ധമുള്ള കമ്പനിയോടെന്ന് വിവരാവകാശ രേഖ. അദാനിയുടെ മരുമകള് പരീധി അദാനിയുടെ ഉടമസ്ഥതയിലുള്ള കമ്പനിയില് നിന്നാണ് സഹായം തേടിയത്.
മുംബൈ ആസ്ഥാനമായുള്ള സിറിള് അമര്ചന്ത് മംഗള്ദാസ് എന്ന കമ്പനിയോടാണ് ലേല നടപടികള്ക്കായി സഹായം തേടിയത്. ഇതിനായി കമ്പനിയ്ക്ക് സര്ക്കാര് 55 ലക്ഷം രൂപ നല്കിയെന്നും കെഎസ്ഐഡിസി നല്കിയ വിവരാവകാശ രേഖയില് വ്യക്തമാക്കുന്നു. സിറില് അമര്ചന്ദ് മംഗല്ദാസ് ഗ്രൂപ്പും പ്രളയ പുനരധിവാസ കണ്സള്ട്ടന്സിയിലൂടെ വിവാദത്തിലായ കെപിഎംജിയുമാണ് ലേല നടപടികള്ക്കായി സര്ക്കാര് നിയോഗിച്ചിരുന്നത്. ഒരു കോടി 57 ലക്ഷം രൂപ കെപിഎംജിക്കും 55 ലക്ഷം രൂപ മംഗല്ദാസ് ഗ്രൂപ്പിനും നല്കി.
