ബംഗളൂരു: മാന്ഹോള് വൃത്തിയാക്കുന്നതിനിടെ മൂന്നു ശുചീകരണ തൊഴിലാളികള് ശ്വാസം മുട്ടി മരിച്ചു. കര്ണാടകയിലെ രാമനഗരത്തിലാണ് സംഭവം നടന്നത്. ബംഗളൂരുവില് നിന്ന് ജോലിക്കെത്തിയവരാണ് മരിച്ചതെന്ന് രാമനഗരം എസ്.പി അറിയിച്ചു. ഒരാള് മാന്ഹോളില് പ്രവേശിക്കുമ്പോഴും മറ്റുള്ളവര് സഹപ്രവര്ത്തകനെ രക്ഷിക്കാനുള്ള ശ്രമത്തിനിടെയുമാണ് മരിച്ചത്. മാന്ഹോളിലെ മാലിന്യങ്ങള് വൃത്തിയാക്കാനായി ബംഗളൂരുവിലെ കമല നഗറില് നിന്ന് ആറു പേരെയാണ് കരാറുകാരന് രാമനഗരത്ത് എത്തിച്ചത്. ഇതില് മൂന്നുപേരാണ് മരിച്ചത്.
