കോഴിക്കോട് : നാദാപുരത്ത് പൊളിച്ചുകൊണ്ടിരുന്ന വീടിന്റ മേല്ക്കൂര ഇടിഞ്ഞുവീണ് മൂന്ന് തൊഴിലാളികള്ക്ക് പരുക്കേറ്റു. രാവിലെ ഒന്പത് മണിയോടെയായിരുന്നു അപകടം. വീടിനുള്ളില് നിന്ന് പണിയെടുത്തുകൊണ്ടിരുന്ന തൊഴിലാളികളുടെ മുകളിലേക്ക് മേല്ക്കൂരയും ചുവരിന്റ ഒരുഭാഗവും പതിക്കുകയായിരുന്നു. ഉള്ളില് കുടുങ്ങിയ മൂന്നുപേരേയും ഫയര്ഫോഴ്സും നാട്ടുകാരും ചേര്ന്നാണ് പുറത്തെടുത്തത്. ഇവരെ ആദ്യം നാദാപുരം താലൂക്ക് ആശുപത്രിയിലും പിന്നീട് വടകര സഹകരണ ആശുപത്രിയിലും പ്രവേശിപ്പിച്ചു. ഒരാള് ഇതര സംസ്ഥാന തൊഴിലാളിയാണ്.
നാദാപുരം വിലങ്ങാട് മേഖലയിൽ രാവിലെ ഉണ്ടായ ചുഴലിക്കാറ്റിൽ ലക്ഷങ്ങളുടെ നാശനഷ്ടമാണുണ്ടായത്. മരങ്ങൾ കടപുഴകി, നിരവധി വീടുകൾക്ക് കേടുപാടും സംഭവിച്ചു. ശക്തമായ മലവെള്ളപ്പാച്ചിലിൽ വിലങ്ങാട് പുഴ കരകവിഞ്ഞു. നാട്ടുകരുടെ നേതൃത്വത്തിൽ ഗതാഗതവും വൈദ്യുത ബന്ധവും പുനസ്ഥാപിക്കാനുള്ള ശ്രമം തുടരുന്നു. പ്രദേശത്ത് ഇടവിട്ട് ശക്തമായ മഴയുമുണ്ട്.