തമിഴ്നാട് : തിരുനല്വേലിയില് സ്കൂള് കെട്ടിടം ഇടിഞ്ഞു വീണു മൂന്നു കുട്ടികള് മരിച്ചു. തിരുനല്വേലി എസ്.എസ് ഹൈറോഡിലെ ഷാഫ്റ്റര് ഹയര്സെക്കന്ഡറി സ്കൂളിലെ ശുചിമുറി കെട്ടിടമാണ് തകര്ന്നുവീണത്. എട്ടാം ക്ലാസ് വിദ്യാര്ഥികളായ സഞ്ജയ്, വിശ്വരാജന്, അന്പഴകന് എന്നീ കുട്ടികളാണ് മരിച്ചത്. രണ്ടു പേര്ക്കു ഗുരുതരമായി പരുക്കേറ്റു. കെട്ടിടം അടിത്തറയോടു കൂടി മറിഞ്ഞു വീഴുകയായിരുന്നു. അടിത്തറ ബലപ്പെടുത്താതെ കെട്ടിടം പണിതതാണു അപകടത്തിനു കാരണമെന്നാരോപിച്ചു രക്ഷിതാക്കള് സ്കൂളിലെ ചെടിച്ചട്ടികളും മറ്റും നശിപ്പിച്ചു. പ്രതിഷേധത്തെ തുടര്ന്ന് സ്കൂളില് വന് പോലീസ് സംഘത്തെ വിന്യസിച്ചു.
