മരങ്ങാട്ടുപിള്ളി: ഗവ.ആശുപത്രിക്ക് വേണ്ടി 30 ലക്ഷം രൂപ അനുവദിച്ചതായി അഡ്വ.മോന്സ് ജോസഫ് എം.എല്.എ അറിയിച്ചു. പുതിയതായി നിര്മ്മിച്ച കെട്ടിട സമുച്ചയം പൂര്ണമായും ഉപയോഗപ്രദമാക്കുന്നതിന് ആവശ്യമായ അടിസ്ഥാന സൗകര്യങ്ങള് ഏര്പ്പെടുത്താനായാണ് തുക അനുവദിച്ചത്. എം.എല്.എ ഫണ്ടില് നിന്നാണ് തുക അനുവദിച്ചത്.
അഡ്വ. മോന്സ് ജോസഫ് എം.എല്.എ ധനകാര്യ വകുപ്പ് മന്ത്രി കെ.എന് ബാലഗോപാലിന് സമര്പ്പിച്ച നിവേദനത്തിന്റെ അടിസ്ഥാനത്തിലാണ് 30 ലക്ഷം രൂപ വിനിയോഗിക്കുന്നതിനുള്ള പ്രത്യേക അനുമതി നല്കി സര്ക്കാര് ഉത്തരവായത്. മരങ്ങാട്ടുപള്ളി കുടുംബാരോഗ്യ കേന്ദ്രത്തിന്റെ സമീപത്തുള്ള ഹോസ്പിറ്റല് റോഡ് കോണ്ക്രീറ്റ് ചെയ്തു സഞ്ചാരയോഗ്യമാക്കുന്നതിന് 10 ലക്ഷം രൂപ മാറ്റിവെച്ചതായി മോന്സ് ജോസഫ് അറിയിച്ചു.