റാന്നി: റാന്നി നിയോജകമണ്ഡലത്തിന് നഷ്ടമായ കഴിഞ്ഞ മുപ്പത് വർഷങ്ങൾ, എൽഡിഎഫ് ജനപ്രതിനിധികൾ ഭരിച്ച മൂന്ന് പതിറ്റാണ്ട് റാന്നിയെ പിന്നോട്ടടിച്ച വികസനമുരടിപ്പ് എന്നീ വിഷയങ്ങൾ ഉയർത്തികൊണ്ട് യൂത്ത് കോൺഗ്രസ് റാന്നി നിയോജകമണ്ഡലം കമ്മിറ്റിയുടെ നേതൃത്വത്തിൽ ഇട്ടിയപ്പാറയിൽ കാളവണ്ടി യാത്ര നടത്തി. യുഡിഎഫ് സ്ഥാനാർത്ഥി പഴകുളം മധു പരിപാടിയിൽ പങ്കെടുത്തു. യോഗം യൂത്ത് കോൺഗ്രസ് ജില്ലാ പ്രസിഡന്റ് വിജയ് ഇന്ദുചൂഡൻ ഉദ്ഘാടനം ചെയ്തു.
നിയോജകമണ്ഡലം പ്രസിഡന്റ് റിജോ റോയി തോപ്പിൽ അധ്യക്ഷത വഹിച്ചു. ആരോൺ ബിജിലി പനവേലിൽ, പ്രമോദ് മന്ദമരുതി, സാംജി ഇടമുറി, എച്ച്.സുനിൽ കുമാർ, സമദ് മേപ്രത്ത്, സനോജ് മേമന, പ്രഭുരാജ്, അരുൺ വെള്ളയിൽ, ബെന്നി മാടത്തുംപടി, റെജി കരികുളം, ഷിബു തോണിക്കടവിൽ, സിനാജ് ചാമക്കാല, ജെറിൻ പ്ലാച്ചേരിൽ, ബിനോജ് ചിറയ്ക്കൽ, അനീഷ് ചാക്കോ, ബെനോനി, ഉദയൻ, ഡേവിഡ് എന്നിവർ പ്രസംഗിച്ചു.
