ന്യൂഡല്‍ഹി : കഴിഞ്ഞ അഞ്ച് വര്‍ഷത്തിനിടെ വീരമൃത്യു വരിച്ചത് 307 അര്‍ദ്ധ സൈനികരാണെന്ന് കേന്ദ്രസര്‍ക്കാര്‍. കേന്ദ്ര ആഭ്യന്തര സഹമന്ത്രി നിത്യാനന്ദ റായ് ആണ് ഈ കണക്കുകള്‍ രാജ്യസഭയില്‍ വ്യക്തമാക്കിയത്.
ജീവൻ നഷ്ടമായവരിൽ 108 പേർ സിആർപിഎഫ് അംഗങ്ങളും 49 പേർ ബിഎസ്എഫ് സേനാംഗങ്ങളുമാണ്. 37 ഇന്തോ- ടിബറ്റൻ ബോർഡർ പൊലീസ് അംഗങ്ങളും വീരമൃത്യുവരിച്ചു. ശശസ്ത്ര സീമാ ബലിലെ ഏഴ് അംഗങ്ങൾക്കും, അസം റൈഫിൾസിലെ 27 പേർക്കും ജീവൻ നഷ്ടമായിട്ടുണ്ടെന്ന് ആഭ്യന്തരമന്ത്രാലയം രാജ്യസഭയെ അറിയിച്ചു. 2021ൽ വീരമൃത്യു വരിച്ചത് 27 പേരാണ്. 2020ൽ 39, 2019ൽ 90, 2018ൽ 75, 2017ൽ 76 പേരുമാണ് രാജ്യത്തിനായി ജീവന്‍ നല്‍കിയത്.
