ന്യൂഡല്ഹി : നാഷണല് ഹെറാള്ഡ് കേസില് കോണ്ഗ്രസ് അധ്യക്ഷ സോണിയ ഗാന്ധിയെ ഇന്ന് എന്ഫോഴ്സ്മെന്റ് ഡയറക്ട്രേറ്റ് ചോദ്യം ചെയ്യും. ആരോഗ്യാവസ്ഥ മോശമായതിനാല് നേരത്തെ ആവശ്യപ്പെട്ട തീയതികളില് സോണിയ ഇ ഡിക്ക് മുന്പില് എത്തിയിരുന്നില്ല. ആരോഗ്യാവസ്ഥ പരിഗണിച്ച് വീട്ടിലെത്തി മൊഴിയെടുക്കാമെന്ന് ഇഡി അറിയിച്ചെങ്കിലും കോൺഗ്രസ് അധ്യക്ഷ അത് നിരസിക്കുകയായിരുന്നു.
അതേസമയം സംഭവത്തില് രാജ്യവ്യാപകമായി പ്രതിഷേധം സംഘടിപ്പിക്കുമെന്ന് കോണ്ഗ്രസ് വ്യക്തമാക്കി. വിഷയം പ്രതിപക്ഷ പാര്ട്ടികള് ഒന്നടങ്കം പാര്ലമെന്റില് ഉന്നയിക്കാനും തീരുമാനമായിട്ടുണ്ട്. പത്ത് മണിക്ക് പ്രതിപക്ഷ നേതാക്കള് സംയുക്ത വാര്ത്ത സമ്മേളനം നടത്തി പ്രതിഷേധം അറിയിക്കും.
ഇതേ കേസില് കോണ്ഗ്രസ് ദേശീയ ജനറല് സെക്രട്ടറി രാഹുല് ഗാന്ധിയെ ഇഡി ചോദ്യം ചെയ്തിരുന്നു. അഞ്ച് ദിവസം അന്പതിലേറെ മണിക്കൂറാണ് രാഹുല് ഇഡിക്ക് മുന്നിലിരുന്നത്. സോണിയയുടെ കൂടി മൊഴിയെടുത്ത ശേഷം രാഹുലിനെ വീണ്ടും ചോദ്യം ചെയ്യാനാണ് ഇഡിയുടെ നീക്കം.
