ചാത്തന്നൂര് : യുവാവിനെ ആക്രമിച്ചു മാരകമായി പരിക്കേല്പ്പിച്ച കേസില് നാലുപേരെ പാരിപ്പള്ളി പോലീസ് പിടികൂടി. കല്ലുവാതുക്കല് പുലിക്കുഴി സ്വദേശികളായ തിരുവോണത്തില് അശ്വിന്(20), സുനില്മന്ദിരത്തില് അഖില് (19), കോട്ടൂര്വീട്ടില് വിഷ്ണു (20), രാഹുല് ഭവനില് ഗോകുല് (19) എന്നിവരാണ് അറസ്റ്റിലായത്. വേളമാനൂര് തൊളിക്കോട് ചരുവിളവീട്ടില് അഖിലി(27)നാണ് പ്രതികളുടെ ആക്രമണത്തില് പരിക്കേറ്റത്. കഴിഞ്ഞ 11-ന് രാത്രി 8.30-ഓടെയാണ് സംഭവം. ജോലികഴിഞ്ഞ് വീട്ടിലേക്ക് പോകുകയായിരുന്ന അഖിലിനെ പുലിക്കുഴി ഭാഗത്തുെവച്ച് തടഞ്ഞുനിര്ത്തി തലയുടെ പിറകില് വടികൊണ്ടടിക്കുകയായിരുന്നു. പാരിപ്പള്ളി പോലീസില് നല്കിയ പരാതിയില് ഇന്സ്പെക്ടര് അല്ജബ്ബാറിന്റെ നേതൃത്വത്തിലാണ് പ്രതികളെ പിടികൂടിയത്. പ്രതികളെ റിമാന്ഡ് ചെയ്തു.
