വൈത്തിരി : വയനാട് പഴയ വൈത്തിരിയില് അനധികൃതമായി പ്രവര്ത്തിച്ചു വരുന്ന ഹോംസ്റ്റേയില് നടത്തിയ റെയ്ഡില് മാരകമയക്കുമരുന്നായ എം.ഡി.എം.എ പിടിച്ചെടുത്തു. വില്പനക്കായി സൂക്ഷിച്ചുവെച്ച 40,000 രൂപയോളം വില വരുന്ന 2.14 ഗ്രാം എം.ഡി.എം.എ ആണ് പിടിച്ചെടുത്തത്. സംഭവത്തില് വയനാട് വൈത്തിരി സ്വദേശികളായ പ്രജോഷ് വര്ഗീസ്, ഷെഫീഖ് സി.കെ, ജംഷീര് ആര്.കെ, കോഴിക്കോട് സ്വദേശി റഷീദ് സി.പി എന്നിവരെ അറസ്റ്റ് ചെയ്തു. പ്രതികളെ കല്പ്പറ്റ കോടതിയില് ഹാജരാക്കി. ജില്ലാ സ്പെഷ്യല് ബ്രാഞ്ചിന് ലഭിച്ച രഹസ്യ വിവരത്തെ തുടര്ന്ന് ജില്ലാ പോലീസ് മേധാവി അരവിന്ദ് സുകുമാറിന്റെ നിര്ദേശ പ്രകാരമാണ് പരിശോധന നടത്തിയത്. കല്പ്പറ്റ ഡി.വൈ.എസ്.പി സുനില് എം.ഡി, വൈത്തിരി പോലീസ് ഇന്സ്പെക്ടര് ദിനേശ് കോറോത്ത് എന്നിവരുടെ നേതൃത്വത്തില് ഇന്സ്പെക്ടര് രാം കുമാറും പോലീസ് പാര്ട്ടിയുമാണ് റെയ്ഡില് പങ്കെടുത്തത്.
