ഡല്ഹി: രാജ്യത്തെ 763 പാര്ലമെന്റ് അംഗങ്ങളില് (എംപിമാര്) 306 (40%) പേര്ക്കെതിരെ ക്രിമിനല് കേസുകളുണ്ടെന്ന് റിപ്പോര്ട്ട്. അസോസിയേഷന് ഫോര് ഡെമോക്രാറ്റിക് റിഫോംസും (എഡിആര്) നാഷനല് ഇലക്ഷന് വാച്ചും പുറത്തുവിട്ട റിപ്പോര്ട്ടിലാണ് ഇക്കാര്യം വ്യക്തമാക്കുന്നത്. കഴിഞ്ഞ തിരഞ്ഞെടുപ്പില് മത്സരിക്കുന്നതിന് മുന്പ് എംപിമാര് സമര്പ്പിച്ച സത്യവാങ്മൂലത്തില് നിന്നുള്ള വിവരങ്ങള് അടിസ്ഥാനപ്പെടുത്തിയാണ് റിപ്പോര്ട്ട്. 194 (25%) എംപിമാര്ക്കെതിരെ കൊലപാതകം, കൊലപാതകശ്രമം, തട്ടിക്കൊണ്ടുപോകല്, സ്ത്രീകള്ക്കെതിരായ കുറ്റകൃത്യങ്ങള് തുടങ്ങിയ ഗുരുതരമായ ക്രിമിനല് കേസുകളുണ്ടെന്ന് റിപ്പോര്ട്ടില് പറയുന്നു.
സത്യവാങ്മൂലം പ്രകാരം, ക്രിമിനല് കേസുകള് ഉള്ള എംപിമാരുടെ പട്ടികയില് കേരളം (73%) ആണ് ഒന്നാമത്. ബിഹാര് (57%), മഹാരാഷ്ട്ര (57%), തെലങ്കാന (50%) എന്നീ സംസ്ഥാനങ്ങളാണ് തൊട്ടുപിന്നില്. ഗുരുതരമായ ക്രിമിനല് കേസുകളുള്ള എംപിമാര് ഏറ്റവും കൂടുതല് ബിഹാറിലാണ്, 50%. ഉത്തര്പ്രദേശ് (37%), മഹാരാഷ്ട്ര (34%), കേരളം (10%), തെലങ്കാന (9%) എന്നീ സംസ്ഥാനങ്ങളാണ് തൊട്ടുപിന്നില്.
