ഹരിപ്പാട് : മഹാകവി കുമാരനാശാന്റെ സ്മരണാര്ത്ഥം പല്ലനയാറ്റിൽ 44-മത് ജലോത്സവം ഇന്ന് നടക്കും. കുമാരകോടിയിൽ പുഷ്പാർച്ചനയ്ക്ക് ശേഷം പകൽ 2 മണിയ്ക്കാണ് നടത്തപ്പെടുന്നത്. കേരളത്തിലെ പ്രമുഖ ജലരാജാക്കന്മാരെ അണിനിരത്തി നടത്തുന്ന ഈ ജലമേളയിൽ പ്രമുഖ ചുണ്ടൻ വള്ളങ്ങളും വെപ്പ് ഓടി, തെക്കൻ വള്ളങ്ങൾ ഫൈബർ ചുണ്ടൻ മറ്റ് ചെറു വള്ളങ്ങൾ ഉൾപ്പെടെ 30-ൽപ്പരം കളിവള്ളങ്ങൾ പങ്കെടുക്കും.
ജലമേളയുടെ ഉദ്ഘാടന കർമ്മം കേരള പൊതുമരാമത്ത്, ടൂറിസം വകുപ്പ് മന്ത്രി മുഹമ്മദ് റിയാസ് നിർവഹിക്കും. കൃഷി വകുപ്പ് മന്ത്രി പി.പ്രസാദ്, ആലപ്പുഴ എം.പി. എ.എം.ആരിഫ്, ഹരിപ്പാട് എം.എൽ.എ. രമേശ് ചെന്നിത്തല, രാജ്യസഭാ അംഗം ജെബി മേത്തർ, ഗോകുലം ഗോപാലൻ, പി.കെ. കൃഷ്ണദാസ് തുടങ്ങിയ രാഷ്ട്രീയ, സാമൂഹിക രംഗത്തെ പ്രമുഖർ പങ്കെടുക്കും.