മാവേലിക്കര : കായംകുളം – പുനലൂർ റോഡിൽ ഭരണിക്കാവ് കോയിക്കലിൽ നിന്ന്‌ 50 കിലോ കഞ്ചാവ് പിടികൂടി. ചന്തയ്ക്ക് സമീപത്തെ പെട്രോൾ പമ്പിൽ നിർത്തിയിട്ടിരുന്ന കാറിലേക്ക് കഞ്ചാവ് കൈമാറുന്നതിനിടയിലാണ്‌ ഹൈവേ പോലീസ് പിടികൂടിയത്.
അഡീഷണൽ എസ്ഐ ഉണ്ണികൃഷ്ണൻ നായരും രണ്ട് പോലീസുകാരും ഹൈവേയിൽ പെട്രോളിങ് നടത്തുന്നതിനിടയിൽ പമ്പിനുള്ളിൽ രണ്ട് കാറുകൾ നിർത്തിയിട്ടിരിക്കുന്നത് കണ്ട്‌ സംശയം തോന്നി ചെല്ലുകയായിരുന്നു. എന്നാല്‍ പോലീസിനെ കണ്ട ഉടന്‍ കാറിനുള്ളിലെ പ്രതികള്‍ രക്ഷപെട്ടു. ഭരണിക്കാവ് മഞ്ഞാടിത്തറ ബിസ്മിനാ മൻസിലിൽ ബുനാഷ് ഖാന്റെ KL-29-ആർ-111 ഫോക്സ് വാഗൺ കാറിൽ നിന്നാണ് കഞ്ചാവ് പിടികൂടിയത്. ഇയാൾ അടക്കമുള്ളവരാണ് രക്ഷപെട്ടതെന്ന് പോലീസ് പറഞ്ഞു.
