ഇടുക്കി : മറയൂരിൽ മധ്യവയസ്കനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. ചുരക്കുളം ആദിവാസി ഉന്നതിയിലെ മുരുകൻ (55) ആണ് മരണപ്പെട്ടത്. കാട്ടാനയുടെ ആക്രമണത്തെത്തുടർന്നാണ് മുരുകൻ മരിച്ചതെന്ന് ആരോപിച്ച് പ്രദേശവാസികൾ ആശുപത്രിയിൽ വൻ പ്രതിഷേധമുയർത്തി. നാട്ടുകാരുടെ പറയുന്നതനുസരിച്ച്, പ്രദേശത്തിറങ്ങിയ കാട്ടാനയെ കണ്ട് ഭയന്നോടുന്നതിനിടയിലാണ് മുരുകന് അപകടം സംഭവിച്ചത്. കാട്ടാന മുരുകനെ ആക്രമിച്ചതായും ഇവർ ആരോപിക്കുന്നുണ്ട്. വന്യജീവി ശല്യത്തിനെതിരെ അധികൃതർ കൃത്യമായ നടപടി സ്വീകരിക്കുന്നില്ലെന്ന് ചൂണ്ടിക്കാട്ടിയാണ് ജനങ്ങൾ പ്രതിഷേധവുമായി രംഗത്തിറങ്ങിയത്. എന്നാൽ മരണകാരണം കാട്ടാനയുടെ ആക്രമണം തന്നെയാണോ എന്ന് ഇപ്പോൾ സ്ഥിരീകരിക്കാനാകില്ലെന്നും പോസ്റ്റ്മോർട്ടം റിപ്പോർട്ട് പുറത്തുവന്നതിന് ശേഷം മാത്രമേ യഥാർത്ഥ കാരണം വ്യക്തമാകൂ എന്നുമാണ് വനംവകുപ്പ് അധികൃതരുടെ വിശദീകരണം. നിലവിൽ പ്രദേശത്തുണ്ടായിരുന്ന കാട്ടാനയെ വനത്തിലേക്ക് തുരത്തിയിട്ടുണ്ടെന്നും പ്രദേശത്ത് വനംവകുപ്പിന്റെ കൺട്രോൾ റൂം തുറന്ന് നിരീക്ഷണം ശക്തമാക്കിയിട്ടുണ്ടെന്നും അധികൃതർ അറിയിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
