മലപ്പുറം: ചേലമ്പ്രയില് മധ്യവയസ്കനെ കിണറ്റില് മരിച്ച നിലയില് കണ്ടെത്തി. സ്പിന്നിങ്ങ് മില് സ്വദേശി 58 കാരനായ ബാലസുബ്രഹ്മണ്യന്റെ മൃതദേഹമാണ് കണ്ടെത്തിയിരിക്കുന്നത്. മൃതദേഹം പോസ്റ്റുമോര്ട്ടത്തിനായി കോഴിക്കോട് മെഡിക്കല് കോളജിലേക്ക് മാറ്റിയിരിക്കുകയാണ്.
രാവിലെ സ്ഥലത്ത് ദുര്ഗന്ധം വമിച്ചതോടെ കെട്ടിടത്തിലെ താമസക്കാരായ തൊഴിലാളികള് ചുറ്റുപാടും പരിശോധിക്കുകയുണ്ടായി. തുടര്ന്നാണ് കിണറിനുള്ളിലെ മൃതദേഹം ശ്രദ്ധയില്പ്പെട്ടത്. പോലീസും ഫയര്ഫോഴ്സും ചേര്ന്ന് മൃതദേഹം പുറത്തെടുത്തു. മൃതദേഹത്തിന് മൂന്ന് ദിവസത്തോളം പഴക്കമുള്ളതായാണ് പോലീസ് നിഗമനം.
