ചാത്തന്നൂർ : ഒറ്റയ്ക്കു താമസിച്ചുവന്ന അറുപതുകാരിയെ പീഡിപ്പിച്ചയാളെ പാരിപ്പള്ളി പോലീസ് അറസ്റ്റ് ചെയ്തു. ചിറക്കരത്താഴം ചാലിൽവീട്ടിൽ ജയൻ (39) ആണ് അറസ്റ്റിലായത്. ശനിയാഴ്ച രാത്രി എട്ടുമണിയോടെയായിരുന്നു സംഭവം.
ജയൻ രാത്രി വീട്ടിലെത്തി കുടിക്കാൻ വെള്ളം ആവശ്യപ്പെട്ടപ്പോൾ മടങ്ങിപ്പോകാൻ നിർദേശിച്ചു. തുടർന്ന് വീട്ടിൽ അതിക്രമിച്ചുകയറി പീഡിപ്പിക്കുകയായിരുന്നെന്ന് പോലീസിനു നൽകിയ പരാതിയിൽ പറയുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.