കാസര്കോട് : ചെങ്കളയില് മൂന്നംഗ കുടുംബത്തെ വാടക ക്വാര്ട്ടേഴ്സില് മരിച്ച നിലയില് കണ്ടെത്തി. ചെങ്കള തൈവളപ്പിലെ ക്വാര്ട്ടേഴ്സില് ചൊവ്വാഴ്ച രാവിലെയാണ് നാടിനെ നടുക്കിയ സംഭവം നടന്നത്.
വാടക ക്വാര്ട്ടേഴ്സില് താമസിക്കുന്ന മിഥിലാജ് (50), സാജിത (38), സഹദ് (14) എന്നിവരെയാണ് ക്വാര്ട്ടേഴ്സിനകത്ത് മരിച്ചനിലയില് കണ്ടെത്തിയത്. മിഥിലാജ് ടൈലറാണ്. സാമ്പത്തിക ബുദ്ധിമുട്ടുകളാണ് മരണകാരണമെന്നാണ് പ്രാഥമിക നിഗമനം.
മൂന്ന് പേരെയും വിഷം അകത്ത് ചെന്ന് മരിച്ച നിലയില് കണ്ടെത്തുകയായിരുന്നു. ക്വാര്ട്ടേഴ്സിന് പുറത്ത് ആരെയും കാണാത്തതിനാല് അയല്വാസികള് നോക്കിയപ്പോഴാണ് മരണവിവരം അറിയുന്നത്. ഉടന് തന്നെ പോലീസില് വിവരം അറിയിക്കുകയായിരുന്നു.
വിദ്യാനഗര് സി ഐ വി വി മനോജിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി അന്വേഷണം ആരംഭിച്ചു.
