ഡല്ഹി : ഏഴ് വയസുകാരിയെ ബലാത്സംഗം ചെയ്ത 27കാരന് വധശിക്ഷയ്ക്ക് വിധിച്ചതായി റിപ്പോര്ട്ടുകള്. പ്രതിയായ മുകേഷ് കുമാര് കുട്ടിയെ ക്രൂരമായ ശാരീരിക പീഡനത്തിനും വിധേയമാക്കിയതായും അപൂര്വങ്ങളില് അപൂര്വമായ കുറ്റത്തിന്റെ പരിധിയില് വരുന്നതിനാല് വധശിക്ഷ വിധിക്കുകയാണെന്നും പഞ്ചാബ് കപൂര്ത്തല പ്രത്യേക കോടതിയിലെ അഡീഷണല് സെഷന്സ് ജഡ്ജി രാജ്വീന്ദര് കൗര് വിധിന്യായത്തില് വ്യക്തമാക്കി. പ്രതി കുട്ടിക്ക് ബിസ്ക്കറ്റ് നല്കാമെന്ന് വ്യാമോഹിപ്പിച്ച് കൊണ്ടുപോയി ബലാത്സംഗം ചെയ്യുകയായിരുന്നു. പെണ്കുട്ടി മൂന്ന് ശസ്ത്രക്രിയക്ക് വിധേയയായി. ഗര്ഭപാത്രവും നീക്കം ചെയ്തു. പ്രതി രണ്ട് ലക്ഷം രൂപ പിഴയടക്കാനും കോടതി വിധിച്ചു. ഇതില് ഒരു ലക്ഷം രൂപ പെണ്കുട്ടിക്ക് നല്കണം
