രാജ്യത്ത് ജൂണ്‍ ഒന്നു മുതല്‍ ട്രയിന്‍ സര്‍വ്വീസ് ഭാഗികമായി പുന:രാരംഭിക്കുന്നു ; ഇന്നു മുതല്‍ ഓണ്‍ലൈന്‍ ആയി ബുക്കിങ്ങ്

ഡല്‍ഹി : രാജ്യത്ത് ജൂണ്‍ ഒന്നു മുതല്‍ ട്രയിന്‍ സര്‍വ്വീസ് ഭാഗികമായി പുന:രാരംഭിക്കുന്നു. 200 ട്രയിനുകളാണ് ആദ്യ ഘട്ടത്തില്‍ ഓടിത്തുടങ്ങുക. സെക്കൻഡ്  ക്ലാസ് സ്ലീപ്പര്‍ കോച്ചുകളുള്ളവയാണ് എല്ലാ ട്രയിനുകളും. എല്ലാ വിഭാഗം തൊഴിലാളികള്‍ക്കും ഉപയോഗിക്കാവുന്ന തരത്തിലാണ് ആസൂത്രണം ചെയ്തിട്ടുള്ളത്. നിലവില്‍ കുടിയേറ്റത്തൊഴിലാളികളെ സംസ്ഥാനങ്ങളിലേക്ക് കൊണ്ടുപോകുന്ന ശ്രമിക് ട്രയിനുകള്‍ക്കു പുറമേയാണ് പുതിയ സര്‍വ്വീസ് പ്രഖ്യാപിച്ചിട്ടുള്ളത്. കൂടാതെ പതിനഞ്ചോളം നഗരങ്ങളിലേക്ക് രാജധാനി എക്‌സ്സ് പ്രസ്സ് ഓടുന്നുണ്ട്. പുതുതായി ഓടുന്ന 200 വണ്ടികളില്‍ യാത്രാ കൂലി തുലോം കുറവാണ്. ഇന്നു മുതല്‍ ഓണ്‍ലൈന്‍ ആയി ബുക്കിങ്ങ് നടത്താവുന്നതാണ്. ജൂണ്‍ 30 വരെ ട്രയിന്‍ സര്‍വ്വീസ് ഉണ്ടാവില്ലെന്നായിരുന്നു നേരത്തെ പറഞ്ഞിരുന്നത്. ട്രയിനുകളില്‍ യാത്രക്കാര്‍ നലവിലുള്ള എല്ലാ ആരോഗ്യ നിര്‍ദേശങ്ങളും പാലിക്കണം.