കോട്ടയം : അമ്പലത്തില്‍ കാണിക്കയിട്ട ശേഷം ഭണ്ഡാരം കുത്തിതുറന്ന് മോഷ്ടാവ്. കോട്ടയം തിരൂര്‍ക്കുന്നത്തെ മഹാഗണതി ക്ഷേത്രത്തിലാണ് കവര്‍ച്ച നടന്നത്. കള്ളന്‍ സിസിടിവിയില്‍ പതിയുകയും ചെയ്തു. വെളുപ്പിന് രണ്ട് മണിയോടെ ക്ഷേത്ര പരിസരത്ത് എത്തിയ യുവാവ് പരിസരം നിരീക്ഷിച്ച ശേഷം മുന്‍വശത്തെ മതില്‍ ചാടിക്കടന്ന് ചുറ്റുമതിലിനുള്ളില്‍ കടക്കുകയായിരുന്നു.
ക്ഷേത്രത്തിനുള്ളിലുണ്ടായിരുന്ന പാര കൊണ്ട് ഭണ്ഡാരത്തിന്റെ പൂട്ട് തകര്‍ക്കുകയായിരുന്നു. തുടര്‍ന്ന് പാര ഇരുന്നിടത്ത് തന്നെ വെച്ചു. മറ്റൊരു ഭണ്ഡാരം കൂടി കവര്‍ന്ന ശേഷം അടുത്ത ഭണ്ഡാരത്തിലാണ് കാണിക്ക ഇട്ടു. ഒരു മണിക്കൂറോളം സമയം മോഷ്ടാവ് അമ്പലത്തില്‍ ചിലവഴിച്ചു. ശേഷം വന്ന വഴിയിലൂടെ മടങ്ങി. ചെരുപ്പ്, തോര്‍ത്ത്മുണ്ട് എന്നിവ സമീപത്ത് തന്നെ ഉപേക്ഷിച്ചാണ് മോഷ്ടാവ് മടങ്ങിയത്. സംഭവത്തില്‍ പോലീസ് അന്വേഷണം ആരംഭിച്ചു.
