ഭോപ്പാല്‍ : മദ്ധ്യപ്രദേശിലെ മണ്ഡില ജില്ലയിലെ ലാല്‍പൂര്‍ ഗ്രാമത്തിലുണ്ടായ ഏറ്റുമുട്ടലില്‍ രണ്ടു മാവോയിസ്റ്റുകളെ സൈന്യം വധിച്ചു. മോന്തിന്‍ലാ പോലീസ് സ്‌റ്റേഷന്‍ പരിധിയിലാണ് ഏറ്റുമുട്ടലുണ്ടായത്. ഹൗക്ക് ഫോഴ്‌സും മദ്ധ്യപ്രദേശ് പോലീസും സംയുക്തമായാണ് ഏറ്റുമുട്ടല്‍ നടത്തിയത്.
ലാല്‍പൂര്‍ ഗ്രാമത്തില്‍ ആറു കമ്യൂണിസ്റ്റ് ഭീകരര്‍ എത്തിയിട്ടുണ്ടെന്ന് ഹൗക്ക് ഫോഴ്‌സിന് രഹസ്യ വിവരം ലഭിച്ചിരുന്നു. തുടര്‍ന്ന് ഗ്രാമത്തിലെത്തിയ പോലീസ് ഉദ്യോഗസ്ഥര്‍ ഇവരോട് കീഴടങ്ങാന്‍ ആവശ്യപ്പെട്ടു. എന്നാല്‍ ഇതിന് തയ്യാറാകാതെ ഭീകരര്‍ പോലീസ് സേനയ്ക്ക് നേരെ വെടിയുതിര്‍ക്കുകയായിരുന്നു. തുടര്‍ന്ന് പോലീസ് നടത്തിയ തിരിച്ചടിയിലാണ് കമ്യൂണിസ്റ്റ് ഭീകരര്‍ കൊല്ലപ്പെട്ടത്.
