കണ്ണൂര് : സഹോദരന്റെ ഭാര്യയെയും മകളെയും വെട്ടിപരുക്കേല്പ്പിച്ച മത്സ്യത്തൊഴിലാളിയെ ജീവനൊടുക്കിയ നിലയില് കണ്ടെത്തി. അഴീക്കല് ബീച്ചില് പാട്യം മന്ദിരത്തിന് സമീപം പുതിയപുരയില് സതീശനെയാ (45)ണ് വീടിനകത്ത് തൂങ്ങിമരിച്ച നിലയില് കണ്ടെത്തിയത്.
കഴിഞ്ഞ ദിവസം രാവിലെ എട്ടുമണിക്കാണ് സംഭവം. സതീശന് സഹോദരന് സമലേഷിന്റെ കുടുംബത്തോടൊപ്പമായിരുന്നു താമസം. സമലേഷന്റെ ഭാര്യ രാഖി (42) മകള് മീര (19) എന്നിവരെയാണ് കുടുംബവഴക്കിനെ തുടര്ന്ന് വെട്ടിപ്പരുക്കേല്പ്പിച്ചത്. കത്തികൊണ്ടു വെട്ടേറ്റ ഇവരുടെ നിലവിളികേട്ട് സമീപവാസികള് ഓടിയെത്തുകയായിരുന്നു.
ഉടനെ സതീശന് വീട്ടില് കയറി മുറിയിലെ വാതില്പൂട്ടി ജീവനൊടുക്കുകയായിരുന്നുവെന്ന് നാട്ടുകാര് പറഞ്ഞു. രാഖിക്കും മീരക്കും പരുക്കുകള് സാരമുള്ളതല്ല. പരേതനായ പി.പി വിജയന്റെയും രാധയുടെയും മകനാണ്. മറ്റു സഹോദരങ്ങള്: സന്തോഷ് കുമാര് (ഗള്ഫ്) സര്വേഷ് കുമാര് (മത്സ്യത്തൊഴിലാളി) സൂര്യപ്രഭ.