തെക്കന്‍ കശ്മീരിലെ ട്രാളില്‍ സുരക്ഷാസൈന്യവുമായുള്ള ഏറ്റുമുട്ടലില്‍ മൂന്ന് തീവ്രവാദികള്‍ കൊല്ലപ്പെട്ടു

ന്യൂഡല്‍ഹി : തെക്കന്‍ കശ്മീരിലെ ട്രാളില്‍ സുരക്ഷാസൈന്യവുമായുള്ള ഏറ്റുമുട്ടലില്‍ മൂന്ന് തീവ്രവാദികള്‍ കൊല്ലപ്പെട്ടു. തെക്കന്‍ കശ്മീരിലെ പുല്‍വാമ ജില്ലയില്‍ അവന്തിപൊരയിലെ ട്രാളിലെ നാഗ് ബെറാന്‍ കാട്ടിലാണ് ഏറ്റുമുട്ടല്‍ തുടങ്ങിയത്. ജമ്മുകശ്മീര്‍ പോലീസും സേനയും ചേര്‍ന്ന് നേരത്തെ ഈ പ്രദേശം വളഞ്ഞിരുന്നു. തീവ്രവാദികള്‍ ഒളിച്ചിരിക്കുന്നു എന്ന വാര്‍ത്ത ലഭിച്ചതിനെത്തുടര്‍ന്നായിരുന്നു ഈ നീക്കം. വൈകാതെ ഏറ്റുമുട്ടലില്‍ മൂന്ന് തീവ്രവാദികള്‍ കൊല്ലപ്പെട്ടു.