വേണ്ടത്ര സൂര്യപ്രകാശം ലഭിക്കാത്ത, വായുസഞ്ചാരം ഇല്ലാത്ത കുരുമുളകു തോട്ടങ്ങളിലാണിത് കാണുന്നത്. ഒരുതരം ഇലപ്പുള്ളി രോഗമാണിത്. അനാവശ്യമായി വളരുന്ന മരങ്ങളുടെ ശിഖരങ്ങളും മറ്റും നീക്കി തോട്ടത്തില് തണല് കുറയ്ക്കുകയാണ് വേണ്ടത്. ഒപ്പം രോഗബാധ കാട്ടുന്ന കൊടിയുടെ ചുവട്ടില് കൂടിക്കിടക്കുന്ന ഇലകള് മാറ്റുക.
തോട്ടം വൃത്തിയാക്കുക. രോഗം വ്യാപിക്കാതിരിക്കാന് ഇത് സഹായിക്കും. കൊടിച്ചുവട്ടിലും മറ്റും പൊഴിഞ്ഞുവീണ് കൂടിക്കിടക്കുന്ന ഇലകളില് ആല്ഗ വളരും. രോഗബാധകണ്ടാല് ഇലകളില് വെള്ളം ഒഴിക്കാതിരിക്കുക. തടം നനയ്ക്കുക.
പരിഹാരം:
ഇലകള് തിങ്ങിഞെരുങ്ങി വളരുന്നതൊഴിവാക്കുക. തടത്തില് വെള്ളം കെട്ടാതെ നോക്കുക. കൊടികള്ക്കിടയില് സ്വതന്ത്ര വായുസഞ്ചാരം ഉറപ്പാക്കുക. കേടായ ഭാഗങ്ങള് നീക്കുക. ഒരു ശതമാനം ബോര്ഡോമിശ്രിതം രണ്ട്-മൂന്ന് ആഴ്ച ഇടവിട്ട് തുടരെ തളിക്കുക. കൊടികള്ക്ക് കൃത്യമായ രാസവളപ്രയോഗം നടത്തുക.